San Vicente Ferrer Gozos

San Vicente Ferrer Gozos

VERSE 1
KAY MAG-ALAMPO KA NGA TINUOD
UG MANLALABAN KA MAN KANAMO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 2
ANG BIRHEN UG SI SAN JUAN EBANGHELISTA
SA WALA PA NGANI MATAWO KA
KANAMO DAAN SIYA MISAAD
SA PAGKATAWO MO NGA BULAHAN
UG SA KALIPAY GINABANTUG
SA KALIPAY HIMAYANG DAKU.
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 3
NATAWO KA NGA KATINGALAHAN
KAY SA PAGMILAGRO MAALAM KA
NAGBUOT IKAW SA NGA TANAN
SA USA KA PAGBUOT NGA GAMHANAN
UG NAHADLOK MAN ANG IMPIYERNO
SA NAWONG MONG MALIGDONG
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 4
SA SIYAM KA TUIG ANG EDAD
GIBUHI MO ANGUSA KA BATA
NGA NAGHIMO NGA SAKSI NGA DAYAG
SA KATINGALAHAN MO NGA GRASYA
UG NAGMATUOD KINING MILAGRO
NGA HIGALA KANG DAAN NI JESUS
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 5
NI SANTO DOMINGO GIDUAW KA
UG SA BISTI NGA SAGRADO NIYA
NAHIMO KANG TUMONG UG SAMA
SA SUGA NGA KANIMO NAG-IWAG
GINGANLAN KA NI KRISTO NGA APOSTOL
UG MAG-UUNA NGA MATUOD
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 6
DAGHANAN UYAMOT NGA JUDIOS
ANG GIPABALIK MO SA DIOS
UG WALO KA LIBONG MOROS
GIBUHAT MO SILA NGA KRISTIANOS
EREHES DILI MAISIP GAYUD
ANG GINAKABIG MO KANG KRISTO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 7
INGON IKAW UG ANGHEL NGA LANGITNON
NAGWALI KA SA VALENCIANO
UG NAGKALAINLAIN NGA NACION
NANAGKASABUT SA IMONG GIPAMULONG
MAHITINGALA UNTA ANG MGA KRISTIANOS
SA PAGTAN-AW NING LUCERO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 8
ANG USA KA BABAYENG BUANG
NAGAPATAY SA IYANG ANAK
KAY IYA MAN GIHUNAHUNA
NGA PAGAKAN-ON UNTA NIY,
GILUTO NIYA NGA TINADTAD
UG BUHI GIULI MO KANIYA
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 9
KAPIN SA TULO KA LIBONG TAWO
SA DIYUTAY NGA PAN GIBUSOG MO
NIANANG MILAGROS GIBUTANG MO
ANG IMONG PAGKASANTOS NGA DAKO
BUSA VICENTE NA AMIGOS MO
ANG ADUNAHAN UG MAMUMUO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 10
NGA ANG ANGHEL KA IMONG GISAYSAY
UG ANG USA KA TAWO NGA MINATAY
BISAN NGA MATUOD NGA PATAY
ANG GISUGO MO IYANG GISUMAY
ANG KINABUHI NIYA GIBALIK MO
HASTA SA NADUGAY NGA TIEMPO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 11
NAGAWALI ANG IMONG LARAWAN
SA DUHA KA TANGKOD NGA SEMANA
UG DAGHANG TAWO NAHIGAWAS
SA MGA SAYUP UG KASAL-ANAN
ANG MGA SALA NAGAKADIYUTAY
ANG PAGLUMAY NGA BAKAKON
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 12
SA PAGMILAGRO NAGABAGTING KA
UG ANG MGA TAWO NGA MALUYA
SA MGA KASAKIT NGA DAGHANAN
NGA TANAN IMONG GILIPAYAN
ANG KASAKIT SA SILOT GITAMBALAN
SA IMO LAMANG NGA PAGTAMBONG
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 13
ANG MAMA, ANG BUTA UG BAKUL
ANG PI-ANG UG ANG TAWO NGA BUNGOL
GITAMBALAN MO UG ANG MIABUT
SA PAGHALOK SA TIIL MONG SANTOS
NGANHI ANG MAO NGA PUNOAN MO
IKAW GAYUD ANG GIPAMILAGRO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 14
MANANABANG KA SA MGA MAG-ALANAK
INGON MAN SA DILI MAGKA-ANAK
PAGKUHAAN MO SA KABILINGGAN
ARON DAYON MAHIMO NGA INAHAN
ANG POBRE NGA MAKALOLOOY UG HANGOL
GIBUHAT MO ANG KABUS UG DATO.
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 15
MINATAY KAP-ATAN UG UNOM
ANG GIPANGGAWAS MO SA LUBONG
KAY GIBUHI MO SILA PAG-USAB
UG SA KALIBUTAN GIULI MO
UG KAY NAWALA SA NGALAN MO
ANG LALANG SA BITIN NGA MAITUM
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 16
ANG USA KA UMOL NGA DUGO
SA RELIQUIAS MO GITONGTONG
UG GILAYON GAYUD NAHIMO
NGA USA KA BATA NGA MAANINDOT
MAO RA USAB ANG NAHITABO
SA ANAK SA USA KA KABALLERO
KAMI VICENTE SA DIOS IG-AMPO
KAMI NGA KANIMO MANAGLAUM.

VERSE 17
DOCTOR MAN ANGHEL UG PROPETA
BIRHEN UG APOSTOL GINGANLAN KA
UG GIBUHAT MO ANG IMONG PAGLABAN
SA MGA DEBOTOS MONG NGA TANAN
SA PAGPANGAMUYO NA NIMO
SA PAGTABANG MO SA KAMATAYON
KAMI VICENTE SA DIOS IG-AMPO
KAMI NGA KANIMO MANAGLAUM.

To Read More...

MGA RELIHIYOSONG TULOMANON NGA MABUHAT SA USA KA BANAY ATOL SA KWARESMA UG SA SEMANA SANTA

Suggested religious activities for a Catholic family / household in celebration of the Holy Week.

Due to the imposition of Social/Physical Distancing and the Enhance Community Quarantine to prevent the spread of COVID / Corona Virus, the Archdiocese of Cebu has issued some activities / devotions to follow at home in celebration of the Holy Week.

TAMDANAN

ALANG SA MOTAMBONG SA MISA PINAAGI LAMANG SA PAGTAN-AW SA TELEBISYON UG PAGPAMINAW SA RADYO UG MGA KAHIMANAN

1.      Magbutang og igong lamesa nga tinabonan og puti nga panapton duol sa telebisyon o radio o mga ka-himanan sa komunikasyon.

2.      Magdagkot og duha ka mga kandela, magbutang og krusipiho ug imahen sa Mahal nga Bierhen Maria ibabaw sa maong lamesa.

3.      Mag-andam og mga lingkoranan aron maka-lingkod sa maampoon nga paagi.

4.      Magsul-ob og limpyo ug ligdong nga bisti sama og mosimba sa simbahan.

5.      Buhaton ang mga naandang pagbarog, pag-lingkod, ug pagluhod sulod sa Santos nga Misa.

6.      Gidasig ang mga mosimba sa pagtubag ug paglitok sa mga pag-ampo ug sa pag-awit sa mga alawiton.

7.      Mag-ampo sa hustong paagi ug dili magbuhat sa mga butang nga dili angay sulod sa Santos nga Misa sama sa pagtabi-tabi, paggawas-gawas ug pagkaon-kaon.

8.      Dili magpasamok sa mga texts ug calls sa mga mobile phones (gawas lamang kon kini gikinahanglan o emergency).

MGA ALAMPOON

SULOD SA MISA

1.     PAG-AMPO SA  SPIRITUAL COMMUNION

(Litokon sa panahon sa Pangalawat)

Akong Jesus, nagatuo ako nga Ikaw anaa sa Labing Balaang Sakramento. Gihigugma ko ikaw labaw sa tanan, ug ako nangandoy sa pagkalawat kanimo sa akong kalag.  Sanglit dili ko man ikaw madawat diha sa paaging sacramental, umari ka sa akong kasingkasing pinaaging spiritual. Hangpon ko Ikaw sama’g ania ka uban kanako, ug hingpit kong gihiusa ang akong kaugalingon nganha kanimo. Ayaw itugot nga ako. Mahimulag kanimo. Amen.

2.     ORATIO IMPERATA

(Litokon human sa Pangalawat)

Diyos, among Amahan, misangpit kami kanimo niining panahon sa among panginahanglan nga unta panalipdan mo kami batok niining hulga sa COVID-19 nga mikalas na sa pipila ka mga kinabuhi sa among kaigsuonan ug nahiagom sa kadaghanan.

Ngangliyupo kami sa imong grasya alang sa mga tawo nga gitahasan sa pagtu-on sa hinungdan niining maong virus nga nagdala sa makalilisang nga sakit.

Giyahi ang mga kamot ug lamdagi ang mga hunahuna sa mga doctor nga nag-alima sa mga masakiton subay sa ilang katakus ug dinuyogan sa gugma ug kaluoy.  Kanila usab nga mga kawani sa local ug nasudnong pangagamhanan ug kanilang mga pribado nga mga ahensya nga nangita ug kasulbaran sa maong epidemya.  Mahatagan unta sila sa imong Diyosnong lamdag.

 

Nangaliyupo usab kami kanila nga nahiagom sa maong pandemya, mahatag unta pagbalik ang kapiskay sa ilang panglawas.

Itanyag kanamo ang grasya nga magkahiusa kami sa pagbuhat alang sa kaayohan sa mga nagkinahanglan.

Kini among gipangayo pinaagi sa among Ginoong Jesukristo, Imong Anak, nga nagapuyo ug nagahari uban kanimo diha sa kahiusa sa Espiritu Santo, Diyos, hangtud sa kahangruran.

Amen.

Maria Panabang sa mga Kristiyanos,  i-ampo mo kami

San Rafael Arkanghel,  i-ampo mo kami

San Roque,  i-ampo mo kami

San Lurenzo Ruiz,  i-ampo mo kami

San Pedro Calungsod,  i-ampo mo kami

San Vicente Ferrer,  i-ampo mo kami

MGA

PAG-AMPO UG DEBOSYON

NGA MABUHAT SA PANIMALAY

1        Ang Akto sa Paghinulsol

2        Ang Santos nga Rosaryo

3        Ang Dalan sa Krus  (Via Crucis)

4        Ang Dalan sa Inahan  (Via Matris)

5        Chaplet of the Divine Mercy

6        Pag-ampo kang San Jose

7        Pag-ampo kang Jesus Gilansang sa Krus.

8        Pag-ampo sa Oratio Imperata matag alas 12 sa udto ug alas 8 sa gabii

9        Pag-ampo ngadto sa mga Anghel nga Magba-lantay

TAMDANAN

ALANG SA MOSUBAY SA MGA KASAULOGAN SA SEMANA SANTA DIHA SA PANIMALAY

DOMINGGO SA LUKAY

(Palm Sunday of the Lord’s Passion)

1.      Ang banay maggunit og lukay ug ipataas kini panahon sa pag-ampo sa panalangin.  Wala na gikinahanglan ang  balaang tubig tungod kay ang pag-ampo ug ang Balaang Kasulatan naghatag na kini sa panalangin.

2.      Mamati sa Pagsangyaw sa  Ebanghelyo o Passion Narrative.

HUWEBES SANTO

(Thursday of the Lord’s Supper)

1.      Ang Pangulo sa banay mohugas sa mga tiil sa iyang sakop.

2.      Ang banay magtapo diha sa talad kan-anan alang sa hiniusang pag-inambitay. (Alang sa paghandom sa kataposang panihapon sa Ginoo)

BIYERNES SANTO

(Friday of the Passion of the Lord)

1.      Ang banay gidasig sa pagpamalandong ug pag-ampo sa Via Crucis.

2.      Mamati sa Pagsangyaw sa Ebanghelyo o Passion Narrative.

3.      Ang banay mosimba o mohatag og pasidungog sa krusipiho.

4.      Gidasig ang banay sa pagpuasa.

5.      Gidasig ang banay sa pagtan-aw ug/o pagpamati sa Siete palabras nga ipahigayon sa ABS-CBN channel 2 ug sa DYRF 1215kHz gikan sa alas 12 sa udto hangtod sa alas 3 sa hapon.

SABADO SANTO

(Holy Saturday)

Gidasig ang banay sap ag-ampo ug pagpadayon sa taas nga pagpuasa hangtod sa Bihilya.

BIHILYA SA PAGKABANHAW

(Easter Vigil in the Holy Night)

1.      Magtapok ang banay sa hapon.

2.      Mamati sa mga basahon sa Misa ug sa Ebanghelyo.

3.      Mobuhat sa Pagbag-o sa mga Saad sa Bunyag.

4.      Magtapok alang sa hiniusang pag-inambitay sa talad kan-anan.

DOMINGGO SA PAGKABANHAW

(Easter Sunday)

Mobuhat sa Pagbag-o sa mga Saad sa Bunyag.

To Read More...

Oratio imperata batok N-CoV Bisaya

Diyos, among Amahan, misangpit kami kanimo niining panahon sa among panginahanglan nga unta mapanalipdan mo kami batok niining hulga sa 2019 N-Corona Virus nga mikalas na sa pipila ka mga kinabuhi sa among kaigsuonan ug naghiagoman sa kadaghanan.

Nangaliyupo kami sa imong grasya alang sa mga tawo nga gitahasan sa pagtu-on sa hinungdan niining maong
virus nga nagdala sa makalilisang nga sakit. Giyahi ang mga kamot ug lamdagi ang mga hunahuna sa mga doktor nga nag-alima sa mga masakiton subay sa ilang katakus og dinuyogan sa gugma ug kaluoy. Kanila usab nga mga kawani sa lokal ug nasudnong pangagamhanan , ug kanilang mga pribado nga mga ahensya nga nangita
ug kasulbaran sa maong epidemya, mahatagan unta sila sa imong Diyosnong lamdag.

Nangaliyupo usab kami kanila nga nahiagom sa maong epidemya, mahatag unta pagbalik ang kapiskay sa ilang panglawas.

ltanyag kanamo ang grasya nga magkahiusa kami sa pagbuhat alang sa kaayohan sa tanan ug pagtabang sa
mga nagkinahanglan.

Kini among gipangayo pinaagi sa among Ginoong Jesu-Kristo, imong Anak, nga nagapuyo ug nagahari uban kanimo diha sa kahiusa sa Espiritu Santo, Diyos, hangtud sa kahangturan. Amen.

Maria, Panabang sa mga Kristiyanos, i-ampo mo kami, San Rafael Arkanghel, i-ampo mo kami. San Roque, i-ampo mo kami. San Lorenzo Ruiz, i-ampo mo kami. San Pedro Calungsod, i-ampo mo kami. San Vicente Ferrer, i-ampo mo kami.

To Read More...

I am my Father’s child

I am my Father’s child.

I am my Father's Child.
He takes my hand to lead and guide me through,
The first day when I was still
Struggling and learning how to walk.
He never let me stumble,
I'm my Father’s child.

I am my Father’s child.
I playaround and I’m always feel secure,
And from a distance lovingly He watches over me.
My father never leaves me.
I am my Father’s child.

Chorus:
I know and I believe
My Father loves me. He never leaves me
I always want to be like my Father.
He’s everything to me
Coz I am my Father’s child.


I am my Father’s child
It’s all I want and It’s all I need to be,
Life is never so complete,
Heaven is when I am with Him
So close beside my Father,
I'm my Father’s child.

(Chorus)

Coz I am my Father’s child.

To Read More...